किन नेपाली युवा बिदेश पलायेन हुन्छ ?

12/06/2011 11:11

नेपालमा  बढदौ बेरोजगारीका कारण नेपालका अधिकांश युवाहरु विदेश पलायन हुने क्रम जारी रहेको छ । सप्तरी जिल्लाको पश्चिम भेगका अधिकांश युवाहरु गाउँ छाडि विदेशमा गई राम्रो आम्दानी कमाउन थालेपछि हाल सो क्षेत्रका युवाहरु विदेश पलायन हुने क्रम दिन प्रतिदिन बढदै गएको देखिन्छ ।

नेपालको वर्तमान अवस्था गरिबी र बेरोजगारीको साथै खडेरी देखिन थालेपछि सप्तरीका युवाहरु विदेश पलायन हुने गरेको अभिभावकहरुको कथन रहेको छ ।

बढदो बेरोजगारी समस्याका कारण नेपालमा पढेलेखेका युवाहरुले पनि कुनै जागिर पाउँन नसकेपछि बाध्य भएर पढेलेखेका युवाहरु पनि नेपालबाट पलायन भई विदेश जाने क्रम बढेको छ ।

यदि यसरी नै देशका कर्णधार युवाहरु नेपाल छाडि विदेश पलायन हुने क्रम जारी रहयो भने चार पाँच वर्ष पछि नेपालको अवस्था नै नाजुक हुने सम्भावना रहेको देखिन्छ । त्यस कार्य प्रति न त सरकार तथा सम्बन्धीत निकायको नै ध्यान केन्द्रित नभएका कारण दिन प्रतिदिन युवाहरु पलायन हुने क्रम बढदै गएको छ ।